Agjenti i Zhvillimit është konceptuar të shërbejë si mbështetja kryesore e investitorit të huaj i cili synon të investojë në Republikën e Shqipërisë. Nëpërmjet shërbimeve mbështetëse të ofruara nga Agjenti i Zhvillimit, investitori potencial lehtësohet në ndjekjen e procedurave administrative të zbatueshme për të ushtruar veprimtari ekonomike në Shqipëri. Njësia e Programit Connect Albania, ka finalizuar me sukses procedurën e çertifikimit të tre Agjentëve të Zhvillimit të Interesuar (AZHI), duke mundësuar kështu nisjen e shërbimeve të ndërmjetësimit midis investitorëve potencial dhe AZHI. Kontaktoni me Zyrën e Programit Connect Albania nëpërmjet adresës [email protected] për t’u lidhur me Agjentët e Zhvillimit të Interesuar dhe filloni të sigurt rrugëtimin tuaj drejt investimit në Shqipëri.